Баян-Өлгий аймгийн Цэнгэл сумын нутаг Алтай Таван Богд ууланд Шивээт хайрхан уул - д.т.дээш 3349 м. / N49°5.46', E88°10.663'/ гэж бий. Уулын ар бэлээр Цагаан гол, зүүн өмнө талаар Налиа буюу Хар салаагийн гол урсна. Уулын орой дээрээс Алтай Таван Богд уул маш сайхан харагддаг. Шивээт хайрхан уул руу баруун бэл дэх Янгирт нуурын талаас авирвал амархан гарна. Уулын оройгоор янгир ямаа бэлчээрлэн явах нь олонтаа тохиолддог. Уулыг тойрч явганаар аялаарай. Уулын өвөр бэлд айлын өвөлжөө дөрөв бий. Өвөлжөөнүүдийн арын гялгар хүрэн хадан дээр хадны сүг зураг / N49°07.400', E 88°11.703'/. дүрслэл элбэг. Шивээт хайрханы хадны сүг зураг дүрслэлд дайн байлдаан дүрсэлсэн нэг сонирхолтой зураг байдаг. Энд хуягласан морьтой хоёр цэрэг өөд өөдөөсөө жад барин тулж байгаа болон тэдний дунд нэг нум сум барьсан харваачийг дүрсэлсэн зураг байдаг. Иймэрхүү зураг дүрслэлийн монголоос олдсон хамгийн эртний ч зураг энэ байж болох юм. Энэ зураг дүрслэлтэй адил агууламжтай нэгэн зураг нь Ховд аймгийн Эрдэнэбүрэн сумын нутаг Цамбагарав уулын Харганатын хаднаа хөө хуягласан морьтой цэргүүдийг дүрсэлсэн байдаг. Энэ зураг нилээд хожуу үе буюу Нирун улсын үед холбогдох зураг юм. Энэ мэт сонирхолтой агууламж бүхий зураг энд олон бий. Цагаан гол, Шивээт хайрханы хадны сүг дүрслэлд 10.000 сүг зураг бий гэдэг. Хүрлийн үед холбогдох буган чулуу /N49°67.406', E 88°12.783'/ бий. Шивээт хайрхан уулын баруун хойд бэл, Цагаан голын урд талын дэвсэг дээр /N49°7.393', E88°15.118'/ түрэгийн хүн чулууны /VI-VIII зуунд холбогдох/ цогцолбор бий.
Шивээт уулын хүн чулуу, сүг зураг дурсгалын байршил, тойм зураг.
Иймэрхүү хэсэг хэсэг гялгар хадан дээр их бий.
Энэ бас нилээн сонин дүрслэл, өөд өөдөөсөө харсан хоёр бухын дунд хүн байгаа юм. Юуг дүрсэлсэн юм бол?
Иймэрхүү хөшөө чулуу нилээдгүй байдаг ч тамга, амьтны дүрслэлтэй хөшөө чулуу цөөхөн байдаг.
Хүн чулуу 4 байдаг. Хүн чулуудын урдаас зэл чулууг суурилуулсан байдаг.
Энэ хөшөө чулуун дээр нүдний шил шиг тамга байгаа. Аль үеийн тамга
Сэтгэгдэлүүд:
Тэгээд энэ цагаан голын сүг зураг чинь цагаан салаагаас ангид болж таарч байна уу, хэрэм тийм бол би төөрч байжээ. энэ 2 хоорондоо хэр зайтай юм болоо?
Сэтгэгдэл үлдээх: